എന്റെയുമ്മറത്തെന്തൊരാശ്ചര്യ
വര്ണ്ണസങ്കരഭംഗികള്!
കണ്കറുത്തതാം കാക്കപ്പൂ നോക്കി
പുഞ്ചിരിക്കുന്ന തുമ്പപ്പൂ
ചോരക്കണ്ണില് മുറുമുറുപ്പുമായ്
നൂറരിപ്പൂ നിരക്കവേ,
പൊന്നിതള്ക്കണ്വിടര്ത്തി നോക്കുന്ന
കുഞ്ഞു മുക്കുറ്റിപ്പൂവുകള്
കൊള്ളിന്പള്ളയ്ക്കു പറ്റിനില്ക്കുന്ന
ചെല്ല'ച്ചീവോതി'ക്കയ്യുകള്
കാട്ടലരികള്, നാട്ടലരികള്
പൂത്ത മുല്ലക്കുടന്നകള്
എന്റെയുമ്മറത്തെന്തൊരാശ്ചര്യ
വര്ണ്ണസങ്കരഭംഗികള് !'- കടത്തനാട്ട് മാധവിയമ്മ
0 comments:
Post a Comment