Tuesday, October 12, 2010

കാമുകന്‍ വന്നാല്‍ ....ചങ്ങമ്പുഴ

"നിന്നാത്മനായകനിന്നു രാവില്‍
വന്നിടും വന്നാല്‍ നീയെന്തു ചെയ്യും? "
      "കോണിലെങ്ങാനു മൊഴിഞ്ഞോതുങ്ങി
       ക്കാണത്ത ഭാവത്തില്‍ ഞാനിരിക്കും! "

"ചാരുസ്മിതം തൂകിസ്സാദരം, നിന്‍ -
ചാരത്തണഞ്ഞാല്‍ പിന്നെന്തു ചെയ്യും? "
     "ആനന്ദമെന്നുള്ളില്‍ തിങ്ങിയാലും
      ഞാനീര്‍ഷ്യഭാവിചചൊഴിഞ്ഞു മാറും!"

" ആ മദനോപമനക്ഷണ, 'മെ-
ന്നോമനേ!'-യെന്നു വിളിച്ചു മന്ദം
നിന്‍ കൈ കടന്നു പിടിച്ചെടുത്താല്‍
സങ്കോചം കൊണ്ടു നീയെന്തു കാട്ടും?"

   "ഉല്‍ക്കടകോപം നടിച്ചുടന്‍ ഞാന്‍
    തല്‍ക്കരം ദൂരത്തു തട്ടിമാറ്റും!"

"ആ നയകൊവിദന്‍ പിന്മടങ്ങാ-
താ നിമേഷത്തില്‍ നിന്‍ പൂങ്കവിളില്‍
അന്‍പിലോരാനന്ദസാന്ദ്രമാകും-
ചുംബനം തന്നാല്‍  നീയെന്തു ചെയ്യും?"

   "രോമഹര്‍ഷത്തി,ലെന്‍ ചിത്ത ഭൃoഗം
    പ്രേമസംഗീതം മുഴക്കിയാലും
   'നാണമില്ലല്ലോ, ശകല!'-മെന്നായ്
    ഞാനോതു, മല്‍പ്പം പരിഭവത്തില്‍ !"

" എന്നിട്ടു മെള്ളോളം കൂസലില്ലാ-
തന്നിലയില്‍ തന്നെ നിന്നു, വേഗം
ഇന്നവന്‍ കാമവികാരധീരന്‍
നിന്നെത്തന്‍ മാറോടു ചേര്‍ത്തണച്ചാല്‍
കോമളപ്പോര്‍മുലപ്പോന്‍ കുടങ്ങള്‍
കോരിത്തരിക്കെ നീയെന്തു ചെയ്യും?"

   " പോ തോഴി ! പോ ; ഞാന്‍ പിന്നെന്തു ചെയ്യാന്‍ ?
     പോരേ കളിപ്പിച്ചതെന്നെയോട്ടും ?
     പിന്നെയിന്നെന്തു ഞാന്‍ ചെയ്യുമെന്നോ ?-
     പിന്നെ നീയാണെന്കിലെന്തു  ചെയ്യും ?-

3 comments:

ഉപാസന || Upasana said...

:-)

കെ പി | KP said...

"ഓർക്കുക വല്ലപ്പോഴും" എന്ന പടത്തില്‍ വന്ന "എന്തിനാമിഴി" എന്ന ഒളപ്പമണ്ണയുടെ ഒരു കവിതയാണ് ഇതു വായിച്ചപ്പോള്‍ ഓര്‍മ്മ വന്നത്.. :)

Subiraj said...

നന്ദി...

Post a Comment