എന്താണീജ്ജീവിതം? അവ്യക്തമാമൊരു
സുന്ദരമായ വളകിലുക്കം.
സംഗീതതുന്ദിലം,നൈമിഷികോജ്ജ്വലം-
പിന്നെയോ?-ശൂന്യം! പരമശൂന്യം!
എങ്കിലും മീതെയായ് മര്ത്യ, നീ നില്ക്കുന്ന
തെന്തിനു?-നീയെത്ര നിസ്സഹായന്!
ജീവിതാധ്യായമൊരിത്തിരി മാറ്റുവാ-
നാവാത്ത നീയോ ഹാ, സര്വ്വഭൗമന്!
എന്നെ, യിക്കാണും പ്രപഞ്ചത്തിലോക്കെയു-
മെന്നില് പ്രപഞ്ചം മുഴുവനുമായ്,
ഒന്നിച്ചുകാണുന്ന ഞാനിനി വേണെങ്കി-
ലൊന്നും നശിക്കില്ലെന്നാശ്വസിക്കാം!
എന്നാലും-പൂങ്കുല വാടിക്കൊഴിയുമ്പോള്;
മിന്നലെന്നേക്കും പൊലിഞ്ഞിടുമ്പോള്;
മഞ്ഞുനീര്ത്തുള്ളികള് മിന്നിമറയുമ്പോള്;
മഞ്ജുളമാരിവില് മാഞ്ഞിടുമ്പോള്;
മന്ദഹസിതങ്ങള് മങ്ങുമ്പോള്-എന്നാലു-
മെന്മനമൊന്നു തുടിച്ചുപോകും!
കേവലം ഞാനറിഞ്ഞീടാതെ തന്നെ,യെന്-
ജീവനൊന്നയ്യോ, കരഞ്ഞുപോകും!
ഓമനസ്വപ്നങ്ങള്! ഓമനസ്വപ്നങ്ങള്!
നാമറിഞ്ഞി,ല്ലവയെങ്ങു പോയി?
സുന്ദരമായ വളകിലുക്കം.
സംഗീതതുന്ദിലം,നൈമിഷികോജ്ജ്വലം-
പിന്നെയോ?-ശൂന്യം! പരമശൂന്യം!
എങ്കിലും മീതെയായ് മര്ത്യ, നീ നില്ക്കുന്ന
തെന്തിനു?-നീയെത്ര നിസ്സഹായന്!
ജീവിതാധ്യായമൊരിത്തിരി മാറ്റുവാ-
നാവാത്ത നീയോ ഹാ, സര്വ്വഭൗമന്!
എന്നെ, യിക്കാണും പ്രപഞ്ചത്തിലോക്കെയു-
മെന്നില് പ്രപഞ്ചം മുഴുവനുമായ്,
ഒന്നിച്ചുകാണുന്ന ഞാനിനി വേണെങ്കി-
ലൊന്നും നശിക്കില്ലെന്നാശ്വസിക്കാം!
എന്നാലും-പൂങ്കുല വാടിക്കൊഴിയുമ്പോള്;
മിന്നലെന്നേക്കും പൊലിഞ്ഞിടുമ്പോള്;
മഞ്ഞുനീര്ത്തുള്ളികള് മിന്നിമറയുമ്പോള്;
മഞ്ജുളമാരിവില് മാഞ്ഞിടുമ്പോള്;
മന്ദഹസിതങ്ങള് മങ്ങുമ്പോള്-എന്നാലു-
മെന്മനമൊന്നു തുടിച്ചുപോകും!
കേവലം ഞാനറിഞ്ഞീടാതെ തന്നെ,യെന്-
ജീവനൊന്നയ്യോ, കരഞ്ഞുപോകും!
ഓമനസ്വപ്നങ്ങള്! ഓമനസ്വപ്നങ്ങള്!
നാമറിഞ്ഞി,ല്ലവയെങ്ങു പോയി?
0 comments:
Post a Comment